Po e monitorojmë me kujdes situatën në veri të Kosovës. KFOR-i ka aftësinë dhe personelin për të ofruar një mjedis të sigurt dhe liri të lëvizjes për të gjitha komunitetet bazuar në rezolutën 1244 të vitit 1999, tha KFOR-i në Twitter.
Siç thekson më tej, “që nga tetori, ne kemi rritur praninë tonë, duke përfshirë trupa shtesë dhe patrullime në veri të Kosovës këtë javë. Ne presim që të gjithë aktorët të bashkëpunojnë ngushtë me KFOR-in dhe të përmbahen nga demonstrimet provokuese të forcës, në mënyrë që të garantojnë sigurinë dhe sigurinë e të gjitha komuniteteve”.
“I bëjmë thirrje të gjitha palëve që të angazhohen për të mundësuar sigurinë dhe lirinë e lëvizjes në Kosovë.
Kfor do të vazhdojë të përmbushë mandatin e OKB-së për të gjitha komunitetet në Kosovë. Zgjidhjet duhet të kërkohen me dialog”, thuhet në fund./K/
