Klubet ukrainase vazhdojnë interesimet për futbollistët shqiptarë, tani sytë i kanë nga Ermir Rashica

Shumë skuadra nga Ukraina janë duke përcjellur futbollistët shqiptarë, si në Superiore ashtu edhe në Superligë.

Skuadra e Metalist 1925 është duke monitoruar situatën e sulmuesit anësor, Ermir Rashica, shkruan Indeksonline

Gazetari i besueshëm nga Ukraina, Alex Ivanchenko raporton se kjo skuadër madje i ka dërguar ofertë zyrtare Skënderbeut për lojtarin nga Kosova.

Shifra që ka ofruar është 800 mijë euro dhe ka shumë mundësi që mund të pranohet nga skuadra shqiptare.

Rashica ishte lojtari i akademisë së Trepçës 89.

Gjatë këtij sezoni 20-vjeçari në elitën e futbollit shqiptar ka zhvilluar 20 ndeshje, ka shënuar shtatë gola dhe ka bërë dy asiste./Indeksonline/