Komandanti i KFOR-it, Gjeneralmajor Angelo Michele Ristuccia, është takuar sot me Ipeshkvin Dodë Gjergji, Kryemyftiun e BIK-ut, Naim Tërnava dhe peshkopin Teodosije Sibaliq, në Kampin Film City.
Kështu kanë bërë të ditur nga misioni i NATO-s në Kosovë, shkruan Gazeta Online Reporteri.net.
Qëllimi i këtij takimi ka qenë që të theksohet rëndësia e liderëve fetarë në krijimin e stabilitetit dhe paqes për të gjithë qytetarët e Kosovës.
“Komandanti i #KFOR-it, MG Ristuccia është takuar sot me peshkopin Dodë Gjergji, Kryemyftiun @TernavaNaim dhe Peshkopin Teodosije Shibaliq. Takimi ishte një ngjarje e rëndësishme për të nënvizuar rolin e udhëheqësve fetarë në mbështetjen e paqes, tolerancës dhe dialogut për të gjithë njerëzit që jetojnë në #Kosovë”, thuhet në një shkrim të NATO-s në Twitter.
“Fetë nuk janë probleme, por pjesë e zgjidhjes për një bashkëjetesë më harmonike”, ka thënë tutje gjeneralmajor Angelo Michele Ristuccia. /Reporteri.net/.
