Komandanti nga Podujeva Egzon Syla, raporton nga Turqia: Do të japim maksimumin

Komandanti i grupit të kërkim shpëtimit nga Kosova, Egzon Syla tha se ende nuk kanë arritur në zonën që duhet të ndërhyjnë në Turqi pas tërmetit të fuqishëm.

Syla është shprehur se grupi përbëhet nga më shumë se 30 veta, të cilët janë të specializuar për situata të tilla, ndërsa kanë edhe qen për kërkim-shpëtimin.

“Kemi nisur dje udhëtimin me avion, por për shkak të fluksit ende nuk kemi arritur në zonën ku do të ndërhyjmë. Ne kemi dy ekipe të kërkim-shpëtimit urban, kemi edhe qen të kërkim-shpëtimit. Shpresoj të ndihmojmë me sado të mundemi. Kemi një grup më shumë se 30 veta”, u shpreh Egzon Syla, komandant i grupit për A2CNN.