Podujevë: Asfaltohet rruga nga kompleksi Zahir Pajaziti deri tek shtëpia e familjes Pajaziti

Asfaltohet rruga nga kulla e heroit kombëtar Zahir Pajaziti deri tek shtëpia e familjes Pajaziti

Drejtori i Drejtorisë për Planifikim Urban dhe Mbrojtje të Mjedisit, Leutrim Krasniqi ka inspektuar punimet që po zhvillohen në asfaltimin e rrugëve në fshatin Orllan dhe fshatrave përreth.

Në fshatin Turuqicë janë asfaltuar dy degëzimet nga rruga kryesore me gjatësi rreth 1.4km, ndërsa për rrugën kryesore të këtij fshati janë bërë të gjitha përgatitjet për asfaltim, e të cilat do të vazhdojnë vitin tjetër.

Krahas kësaj është asfaltuar edhe rruga nga kulla e heroit, Zahir Pajaziti deri tek shtëpia dhe oda e familjes Pajaziti në gjatësi mbi 1.1 km.

Vlera e kontratës për këto punime që po zhvillohen është rreth 500mijë euro, e cila është në bashkëfinancim me Ministrinë e Infrastrukturës.

Drejtori Krasniqi, i uroj banorët e zonës së Orllanit për realizimin e këtyre projekteve dhe u zotua se investimet nga Komuna e Podujevës do të vazhdojnë për këtë zonë edhe viteve vijuese, me qëllim të lehtësimit të jetës së këtyre banorëve.

08.11.2022, Podujevë

Zyra për Marrëdhënie me Publikun dhe Informim