Komuna e Podujevës ka nënshkruar sot memorandum bashkëpunimi me Fondacionin “Fatima Bint Mubarak për Gruan”, me qëllim krijimin e më shumë mundësive për edukim dhe zhvillim profesional për vajzat e reja në komunë.
Marrëveshja u formalizua nga kryetari i Komunës së Podujevës, Ekrem Hyseni, dhe drejtoresha e fondacionit, Miradije Salihu, të cilët vlerësuan rëndësinë e këtij bashkëpunimi për fuqizimin e vajzave dhe përkrahjen e tyre në zhvillimin e aftësive të nevojshme për të ardhmen.
Përmes këtij memorandumi do të ofrohen trajnime profesionale falas për vajzat e moshës 8 deri në 16 vjeç, në nëntë fusha të ndryshme, përfshirë Gjuhën Angleze dhe Teknologjinë Informative.
Ky bashkëpunim synon të krijojë më shumë hapësirë për avancim, edukim dhe aftësim profesional të gjeneratave të reja, duke kontribuar në fuqizimin e vajzave dhe zhvillimin e tyre në fusha të ndryshme.
