Komuna e Pdodujevës ka ftuar sot qytetarë që t’i bashkohen aksionit për pastrimin gjeneral të hapsësirave rreth liqenit të Batllavës.
Sipas postimit në faqen zyrtare të Komunës, pjesë e këtij aksioni për pastrim do të jenë edhe kryetari i komunës, Shpejtim Bulliqi dhe anëtarë të ekzekutivit.
Postimi i plotë:
Nesër zhvillohet aksion gjeneral për pastrimin e hapësirave përreth Liqenit të Batllavës
Komuna e Podujeves, gjegjësisht Drejtoria Komunale e Arsimit, në bashkëpunim me OJQ-të lokale organizon të premten më 26.05.2023 aksion vullnetar për pastrimin e hapësirave përreth Liqenit të Batllavës.
Pjesë e këtij aksioni për pastrim do të jenë edhe kryetari i komunës, Shpejtim Bulliqi dhe anëtarë të ekzekutivit.
Aksioni do të fillojë nga ora 10:00. Kurse pas përfundimit të aksionit do të bëhet prezantimi dhe promovimi i Ekoturizmit në Komunën e Podujevës nga OJQ “Sundimi i Demokracisë në Kosovë”.
Ruajtja dhe përkujdesja ndaj ambientit është obligim për të gjithë!
Ftojmë qytetarët të bashkohen në këtë aksion vullnetar!
