Komuna e Podujevës ka reaguar sot në lidhje me raportimin se Blend Zymi dhe Visar Gecin përmes postimeve në rrjete sociale kanë paralajmëruar disa skandale që sips tij kanë ndodhur në Komunën e Podujevës.
Pë këtë Komuna e Podujevës ka reaguar ku ka thënë se sipas tyre këto sulme do të dënohen.
Reagimi i plotë i Komunës:
Kërcënimet, ofendimet dhe denigrimi publik i njëpasnjëshëm nga ana e V.G dhe B.Z ndaj kryetarit të komunës, Shpejtim Bulliqi dhe drejtorit të Planifikimit Urban dhe Mbrojtje të Mjedisit, Leutrim Krasniqi, duke shantazhuar e fyer me qëllim të realizimit të kërkesës së tyre për ndërtimin e villave në Barainë janë të papranueshme.
I dënojmë këto sulme si dhe kërkojmë nga organet e rendit që t’i hetojnë.
Synimet janë të shumta për ta degraduar hapësirën përreth Liqenit të Batllavës nga eksponentë të ndryshëm, por vendosshmëria jonë për ta mbrojtur këtë pasuri natyrore të Llapit e Kosovës është maksimale.
Andaj asnjë kërcënim, sulm apo shantazh nuk do të na zbrapsë në vendosjen e ligjshmërisë në atë zonë.
12.02.2023, Podujevë
Zyra për Marrëdhënie me Publikun dhe Informim
