ADVERTISEMENT
Podujevë – Me urdhëresë të Kryetarit të Komunës së Podujevës, Shpejtim Bulliqi, ndalohet përdorimi i mjeteve piroteknike dhe eksplozive në të gjitha sheshet, rrugët, tregjet dhe hapësirat e tjera publike në territorin e komunës.
Sipas njoftimit zyrtar, kjo ndalesë hyn në fuqi më 22 dhjetor 2025 dhe do të zgjasë deri më 03 janar 2026. Vendimi është marrë me qëllim të ruajtjes së rendit publik, sigurisë së qytetarëve dhe parandalimit të incidenteve gjatë periudhës festive.
Autoritetet komunale kanë paralajmëruar se çdo shkelje e kësaj urdhërese do të sanksionohet në përputhje me legjislacionin në fuqi, duke u bërë thirrje qytetarëve që ta respektojnë vendimin dhe të kontribuojnë në një ambient më të qetë dhe të sigurt për të gjithë.
