Komuna e Podujevës është përballur me një fushatë dezinformimi së fundmi, ku në rrjetet sociale “Tik Tok” dhe “Snapchat” kanë qarkulluar njoftime të ndryshme rreth organizimeve të koncerteve me këngëtarë të njohur.
Komuna ka demantuar këto informacione duke thënë se janë të pavërteta dhe kanë qëllim keqinformimin dhe krijimin e konfuzionit te qytetarët.
“Njoftojmë se çdo koncert apo aktivitet kulturor i organizuar nga komuna, bëhet i ditur vetëm përmes faqes zyrtare të komunës dhe faqes zyrtare të kryetarit të komunës”, deklaron Komuna e Podujevës.
Ky është njoftimi i plotë:
Komuna e Podujevës njofton qytetarët se disa informacione që po qarkullojnë në rrjetet sociale si TikTok dhe Snapchat, lidhur me organizimin e koncerteve me këngëtarë të ndryshëm të estradës, janë të pavërteta dhe kanë për qëllim keqinformimin dhe krijimin e konfuzionit tek qytetarët.
Njoftojmë se çdo koncert apo aktivitet kulturor i organizuar nga Komuna, bëhet i ditur vetëm përmes faqes zyrtare të Komunës dhe faqes zyrtare të Kryetarit të Komunës.
Ftojmë qytetarët që të mos bien pre e dezinformatave dhe të ndjekin vetëm kanalet zyrtare për çdo njoftim publik.
