Komuna e Podujevës nënshkruan marrëveshje bashkëfinancimi me IOM për furnizim me kabinete të Informatikës dhe kabinete muzikore e mjete konkretizimi
Kryetari i Komunës së Podujevës, Shpejtim Bulliqi, sot ka nënshkruar marrëveshje bashkëfinancimi me përfaqësuesen e Organizatës Ndërkombëtare për Migrim (IOM), për furnizim me kabinete të Informatikës për SHFMU “Zahir Pajaziti” në Orllan dhe kabinete muzikore e mjete konkretizimi për SHFMU “Ali Ajeti” në Sfeçël.
Vlera e projektit për kabinetin e TIK është 11,601.00 €, ku IOM do të kontribuoj me 8,480.00 € ndërsa komuna e Podujevës me 3,480.00 €, ndërsa vlera e kabinetit muzikor do të jetë 14,988.80 €, ku IOM kontribuon me 10,492.80 €, ndërsa komuna e Podujevës me 4,496.00 €.
Kryetari Bulliqi i falënderoi organizatën IOM për kontributin dhe ndihmën e tyre të vazhdueshme për Komunën e Podujevës duke u zotuar që të vazhdojnë angazhimin e përbashkët në ngritjen e arsimit përmes krijimit të kushteve më të mira dhe më bashkëkohore për mësimnxënie.
28.07.2023 Podujevë
Zyra për Marrëdhënie me Publikun dhe Informim
