Kryetari i Komunës së Podujevës, Shpejtim Bulliqi, ka nënshkruar marrëveshje mirëkuptimi me kryetarin e Këshillit të Bashkësisë Islame në Podujevë Mensur Hoti, për mbulimin e shpenzimeve për shërbimet e varrimit të qytetarëve të Podujevës nga ana e komunës.
Në bazë të marrëveshjes përfshihen shërbimet; transporti i kufomës, fletë-lajmërimet (afishet), dërrasat, piramidën, pastrimin e kufomës, mbulesën e kufomës dhe qefinin, thuhet në njoftimin e komunës, transmeton klankosova.tv.
ADVERTISEMENT
Marrëveshja është lidhur për periudhën prej 1 janar 2023 deri më 31 dhjetor 2024.
Bulliqi dhe kryetari i KBI-së Hoti u dakorduan që bashkëpunimin e mirë mes komunës dhe KBI-së ta vazhdojnë dhe ta thellojnë në interes të të gjjthë qytetarëve padallim.
