ADVERTISEMENT
Kryetari i Komunës së Podujevës, Shpejtim Bulliqi i shoqëruar nga drejtori i Arsimit, Avni Fetahu, ka nënshkruar memorandum bashkëpunimin me përfaqësuesen e American Advising Center, qendër zyrtare e rrjetit EducationUSA Kosovo.
Qëllimi i bashkëpunimit është ofrimi FALAS i trajnimeve, punëtorive dhe sesioneve informuese për të rinjtë e Komunës së Podujevës për të studiuar në SHBA, me bursa- “Këshillim për studime në SHBA dhe bursa”, përgatitije për testet Standartizuese TOEFL iBT & SAT dhe programet JUNIOR COLLEGE PREP CLUB- jCPC, për nxënësit e klasave të 10-ta dhe nxënësit e klasave të 11-ta.
Programi zgjat pesëmbëdhjetë muaj, me bursa të pjesshme dhe të plota. Programet janë hibride- kombinim i sesioneve virtuale dhe në American Advising Center, Fakulteti i Edukimit, Universiteti i Prishtinës.
Kryetari Bulliqi falënderoi përfaqësuesen e American Advising Center për bashkëpunimin i cili do të ndihmojë nxënësit e shkollave të Mesme të Komunës së Podujevës të përfitojnë nga sesionet falas, programet dhe mundësitë për të studiuar në SHBA, të ofruara nga qendra zyrtare e rrjetit Education USA Kosovo.
05.04.2023, Podujevë
Zyra për Marrëdhënie me Publikun dhe Informim
