ADVERTISEMENT
Nënkryetarja e Komunës, Marigona Lahu sot ka nënshkruar marrëveshje bashkëpunimi me Drejtorin Ekzekutiv të organizatës “IADK”, Zenel Bunjaku, me qëllim të ngritjes së kapaciteteve profesionale dhe përkrahjes me grante për fermerët, gratë dhe studentët në Komunën e Podujevës, gjatë periudhës 2023-2025.
i pranishëm në këtë takim ishte edhe Drejtori i Bujqësisë, Pylltarisë dhe Zhvillimit Rural, Fatmir Rudari.
Në marrëveshje përfshihen: Përkrahja e 60 studentëve të drejtimit të bujqësisë dhe tekonologjisë ushqimore për të kryer punën praktike me pagesë në periudhë 3 mujore në ndërmarrje private që përshtaten me studimet e tyre.
Do të mbështeten 104 fermerë të vegjël me grante në vlerë mesatare nga 3 mijë euro në sektorët më potencial të bujqësisë, si: pemë, perime, blegtori dhe bimë mjekësore.
Do të trajtohen dhe aftësohen 45 gra në fushën e përpunimit dhe do të çertifikohen, ndërsa 3 gra do të pajisen me mjete përpunese për pemë, perime, qumësht dhe ëmbëlsira, me vlerë 9 mijë euro, ku do të punësohen 6 gra në këto njësi përpunese të prodhimeve bujqësore.
Ndërsa 3 gra do të përkrahen për përmirësimin e kapaciteteve përpunuese të pemëve dhe perimeve me vlerë 9mijë euro, ku po ashtu do të punësohen 6 gra në këto njësi përpunese të prodhimeve bujqësore.
Nënkryetarja Lahu dhe Drejtori Ekzekutiv i “IADK-së” Bunjaku u dakorduan që bashkëpunimin mes Komunës dhe “IADK-së” ta vazhdojnë edhe në projekte të tjera në interes të qytetarëve llapjanë.
