Kryetari i Komunës së Podujevës, Shpejtim Bulliqi, ka pritur sot në takim banorët e lagjes pranë Qendrës Kryesore të Mjekësisë Familjare (QKMF), të cilët kanë falënderuar komunën për përfundimin e projektit të rinovimit të objektit banesor ku ata jetojnë.
Objekti, i cili më parë kishte një pamje të shëmtuar dhe kushte të vështira jetese, tashmë ofron një mjedis të përmirësuar falë ndërhyrjeve të realizuara nga Komuna. Në kuadër të këtij projekti janë kryer punime si: riparimi i pullazeve të vjetruara, fasadimi dhe izolimi i ndërtesës, si dhe përmirësimi i ndriçimit në hyrje dhe koridore.
Sipas Kryetarit Bulliqi, ky projekt është pjesë e një iniciative më të gjerë për meremetimin e objekteve kolektive banesore në Podujevë. Punimet tashmë kanë filluar edhe në pjesën e sipërme të Bulevardit, duke synuar përmirësimin e kushteve të jetesës për qytetarët.
“Përmirësimi i cilësisë së jetesës për qytetarët tanë është prioritet i yni. Ky projekt është një dëshmi konkrete e angazhimit tonë për të krijuar një mjedis më të mirë për të gjithë.
Postimi i plote:
Sot pata kënaqësinë të pres në takim banorët e Lagjes pranë QKMF-së, të cilët u shprehën falënderues për realizimin e projektit nga ana e Komunës për rinovimin e objektit ku ata jetojnë.
Ky objekt banesor kishte një pamje të shëmtuar dhe banorët aty përballeshin me kushte jo të mira. Por, falë rinovimit, objekti sot ofron një mjedis të përmirësuar dhe me pamje meritore.
Në kuadër të projektit të meremetimit të objekteve kolektive banesore, janë realizuar këto punime si: riparimo i pullazeve të vjetruara, fasadimi dhe izolimi i ndërtesave, përmirësimi i ndriçimit në hyrje dhe koridore.
Projekti për rinovimin e objekteve banesore kolektive po vazhdon tashmë edhe në pjesën e sipërme të Bulevardit, duke synuar përmirësimin e mëtejshëm të kushteve të jetesës për qytetarët tanë.
