Me organizim të Komunës së Podujevës dhe shoqatave të dala nga lufta e UÇK-së, në ditën e dëshmorëve – 5 Maj – në “Kompleksin Memorial të Dëshmorëve” në Penuhë u bë rivarrimi i pesë dëshmorëve, Fadil Talla, Haki Rekaliu, Hasan Veliu, Shaip Behrami dhe Rasim Zeka, të rënë në periudha të ndryshme të historisë në angazhimin e tyre për lirinë e Kosovës.
Në këtë ceremoni rivarrimi morën pjesë figura të shquara të luftës çlirimtare, veprimtarë të çështjes kombëtare, përfaqësues të institucioneve, garda e FSK-së dhe familje të dëshmorëve.
Në fjalën para të pranishmëve kryetari i Komunës, Shpejtim Bulliqi foli për rolin e pakontestueshëm të UÇK-së për lirinë e Kosovës, si dhe nderoi me fjalët më të zgjedhura dëshmorët që ranë në luftën për liri.
Kryetari Bulliqi, përmes një videoje, foli veçmas për rëndësinë e heronjëve kombëtarë, duke u’a atribuar atyre çmimin e lirisë.
ADVERTISEMENT
Fotografitë nga aktivitetet e ceremonisë së kësaj dite të shpërndara në rrjtin social të kryetarit, Shpejtim Bulliqi.
