Një aksion anti-kontrabandë në fshatin Leshak të Leposaviqit ka përfunduar me konfiskimin e 93 kartelave grafike, tetë pajisjeve Antiminer, 17 pllaka elektronike që shërbejnë për prodhim të kriptovalutave e 280 litra pije alkoolike dhe 96 joalkoolike, ka njoftuar ministri i Punëve të Brendshme, Xhelal Sveçla, të shtunën.
ADVERTISEMENT
Ai ka thënë në Facebook se gjatë këtij aktiviteti të Doganës dhe Policisë, është hasur edhe një automjet i dyshuar të cilit i janë “konfiskuar produkte ushqimore që po i kontrabandonte nga Serbia”.
Ka disa muaj që në Kosovë është ndaluar mihja e kriptovalutave, për shkak të krizës energjetike. Kryesisht aksionet ndaj kësaj veprimtarie janë zhvilluar në veri të Kosovës./KohaVision
+
