Raportuesja për Kosovën në Këshillin e Evropës, Dora Bakoyannis, ka marrë zotimin nga tre liderët shtetërorë se do të themelohet Asociacioni i komunave me shumicë serbe. Zotimi është shprehur në një letër të përbashkët të tyre, përmbajtjen e së cilës e ka konfirmuar kryetarja e Grupit parlamentar të Vetëvendosje, Mimoza Kusari Lila. Por, udhëheqësit shtetërorë kanë theksuar se zotimet do të jetësohen, pas bërjes së Kosovës shtet anëtar i Këshillit të Evropës.
Por, udhëheqësit shtetërorë kanë theksuar se zotimet do të jetësohen, pas bërjes së Kosovës shtet anëtar i Këshillit të Evropës.
Kryetarja e Grupit parlamentar të Vetëvendosje, Mimoza Kusari Lila, ka thënë se Asociacioni nuk është çështje e veçantë për zbatim.
Letra nuk është asgjë më shumë se një formalitet që duhet përmbajtur. Kurse pjesëve të raportit që u referohet letra, nuk janë pjesë, por referencë tek opinioni i raportueses Bakoyannis. Opinioni për Kosovën e përmend megjithatë marrëveshjen bazike në tërësinë e saj. Jo të veçantë, të nxjerrë nga aty vetëm neni 7, por domethënë pjesët e raportit i referohen tërësisë së obligimeve që rrjedhin nga marrëveshja bazike. Në të hyn njohja de-facto, anëtarësimi në organizata ndërkombëtare, barazia sovrane dhe gjithashtu edhe organizata sipas nenit 7”, ka thënë Kusari-Lila.
Njohësit e politikës së jashtme nuk e shohin të drejtë që Kosovës t’i vihet kusht themelimi i Asociacionit për pranim në Këshill.
“Nëse ky proces ndërlidhet me çështje politike siç është krijimi i Asociacionit në Kosovë mendoj që e jep tërthorazi një mesazh negativ. Nëse institucionet fokusohen në fuqizimin e të drejtave të njeriut dhe demokracisë e nuk është shumë e mjaftueshme për t’u anëtarësuar në KiE, por duhet të fokusohet në çështje politike, mendoj që kjo tërthorazi e jep një mesazh negativ”, ka thënë Adelina Hasani, njohëse e politikës së jashtme.
E gazetari Augustin Palokaj ka thënë se me këtë kusht, po i shërbehet edhe Brukselit që lehtëson dialogun Kosovë-Serbi.
“BE apo thënë më saktë përfaqësuesi i lartë Borell dhe i dërguar për dialog Lajçak asnjëherë publikisht nuk janë shprehur qartë se janë në favor të anëtarësimit të Kosovës në Këshillin e Evropës. Me gjasë ata do të donin që ky të jetë kusht për të pasur një mundësi më tepër për të bërë presion ndaj Kosovës sa i përket themelimit të Asociacionit të komunave me shumicë serbe”, është shprehur Palokaj, korrespodent i KOHËS në Bruksel.
E Adelina Hasani ka thënë se anëtarësimi i Kosovës në Këshill të Evropës nuk pritet të mbetet peng i Asociacionit.
“Pritshmëritë janë reale dhe anëtarësimi i Kosovës mund të ndodhë. Po shihet që ka gatishmëri. Mendoj që do të ketë reagime pozitive në mbledhjen e Komitetit”, ka deklaruar ajo.
Komiteti Politik i Këshillit të Evropës ka caktuar një takim të jashtëzakonshëm për 27 mars, ku në rend dite do të jetë votimi i opinionit të raportueses Dora Bakoyannis për anëtarësimin e Kosovës në këtë organizatë.Koha.net
