Komisioni Qendror i Zgjedhjeve ka publikuar planin dhe afatet për aktivitetet kryesore të procesit zgjedhor për kryetarët e komunave dhe për kuvendet komunale, që do të zhvillohen më 12 tetor 2025, nga ora 07:00 deri në 19:00.
Disa prej afateve kryesore përfshijnë:
9 – 23 qershor 2025: Deklarimi i partive politike për formimin e koalicioneve ose për mos pjesëmarrje në zgjedhje.
26 qershor – 13 gusht: Afati për aplikim për certifikim të subjekteve politike dhe dorëzimi i listave të kandidatëve.
3 / 4 shtator: Tërheqja e shortit për renditjen e subjekteve në fletëvotim.
13 shtator – 12 tetor, ora 06:59: Fushata zgjedhore.
23 – 29 korrik: Aplikimi për regjistrim të votuesve jashtë Kosovës.
17 shtator – 11 tetor: Votimi përmes postës.
21 qershor: Publikimi i listës së Qendrave të Votimit në Kosovë.
Po ashtu, janë përcaktuar edhe afatet për regjistrimin e votuesve me nevoja të veçanta, emërimin e komisioneve dhe akreditimin e vëzhguesve, duke përfshirë edhe mediat dhe organizatat ndërkombëtare.
KQZ do të caktojë Qendrat Komunale të Numërimit dhe do të publikojë listën përkatëse deri më 30 gusht 2025.
Qytetarët dhe subjektet politike ftohen të respektojnë afatet dhe të kontribuojnë për një proces zgjedhor të drejtë, gjithëpërfshirës dhe demokratik.
