Në prag të ardhjes së muajit të bekuar Ramazan, kryeimami i Bashkësisë Islame të Kosovës, Vedat ef. Sahiti, i shoqëruar nga Fatmir ef Iljazi, realizoi një vizitë zyrtare në Këshillin e Bashkësisë Islame të konunës tonë, ku u prit nga kryetari Hoti me bashkpunëtor.
Me këtë rast u mbajt një takim pune me imamët e komunës.
Gjatë këtij takimi, Kryeimami Sahiti pasi prezantoi projektet dhe aktivitetet që po zbatohen nga Zyra e Kryeimamit, theksoi rëndësinë e angazhimit të gjithanshëm dhe përkushtimit të vazhdueshëm të imamëve në xhematet e tyre. Ai nënvizoi rolin e pazëvendësueshëm të imamëve në forcimin e jetës fetare dhe në edukimin shpirtëror të shoqërisë.
Po ashtu, Kryeimami vuri në pah punën e pandërprerë të organrve të Bashkësisë Islame dhe përgatitjet intensive që po zhvillohen në prag të muajit të shenjtë Ramazan, duke e cilësuar këtë periudhë si një moment kyç për rritjen e aktivitetit fetar dhe shërbimit ndaj besimtarëve.
Në fjalën e tij, ai theksoi rëndësinë e bashkëpunimit, unitetit dhe koordinimit të vazhdueshëm ndërmjet të gjitha strukturave të Bashkësisë Islame, duke apeluar për përkushtim të shtuar në realizimin e misionit fetar dhe në shërbim të komunitetit gjatë këtij muaji të bekuar.
Pas zyreve të KBI-së, destinacioni radhës i delegacionit të BIRK ishte Qendra Kulturore Multifunksionale te xhamia “Dëshmorët e Kombit” në Balloc ku panë nga afër përfundimin e punimeve dhe rrjedhën e aktiviteteve pas hapjes së kësaj qendre.
