Kryetari i Grupit Parlamentar të Lidhjes Demokratike, Arben Gashi është përplasur me kryeministrin Albin Kurti pas kalimit në lexim të parë të projektligjit të Buxhetit 2025.
Gashi ka kërkuar nga kryeministri Kurti që të tregojë se cila është urgjenca që deputetëve u janë dhënë vetëm dy ditë kohë për të dërguar në Komision amandamentet për Buxhetin.
“Dil thuj ka urgjencë, po niset një luftë hajde edhe e votojmë. Dil kallxo e mos u qaravesh aty prej vendit.”, tha Gashi, shkruan gazeta online Reporteri.net.
Atij iu tërhoq vërejtja nga kryeparlamentari Glauk Konjufca për fjalorin.
Pas kësaj Gashi tha se vetëm po i përsërit fjalët që Kurti ia kishte thënë kryeministrit të Kosovës, sa ishte në opozitë.
“Janë fjalë që i ka thënë ky kur u kanë në opozitë. Veç po ja përsëriti fjalët e tij. Dil kallxo pse duhet me shty buxhetin për dy ditë. Një kryeminsitër i përgjegjshëm nuk vepron kështu.”, ka thënë Gashi.
Gashi tha se ky është një propozim i çuditshëm.
“Ky propozim është i çuditshëm. Nuk po e kuptoj pse është kjo urgjencë. Brenda dy ditëve po kërkohet që të dërgohet amandmentet nga deputetët dhe Brenda dhjetë ditëve të mbyllet I tërë procesi i miratimit në lexim të dytë të projektbuxhetit., kur ka kohë deri më 22 dhjetor në bazë të rregullores së punës të Kuvendit. Cila është urgjenca. Pse nuk duhet më iu dhënë deputetëve kohë që ata me u konsultu me bazën me pa cilat janë propozimet, nevojat dhe ato të shndërrohen në ammmandamente. Pse duhet veç dy ditë, çka është urgjenca? Kryeministër mos u kesh, kallxo cila është urgjenca? Se ti ju ke thënë këtyre me ba urgjent. Dil kallxo cila është urgjenca se buxheti vlen prej 1 janarit të vitit të ardhshëm. Se di çka po të ngutet? Sa kesh e lëshon fjalë prej vendit dil kallxo.”, tha ai.
Kryetari i komisionit për Buxhet e Financa, Armend Muja, ka kërkuar që ndryshim-plotësimi i amendamenteve të bëhet deri më 13 nëntor, ndërsa seanca për votim në lexim të dytë të mbahet më 21 Nëntor.
