ADVERTISEMENT
Kryeministri i Kosovës, Albin Kurti, ka udhëtuar sot për vizitë zyrtare në Austri.
Në orën 12:00, me ceremoni zyrtare, Kurti do të mirëpritet nga Kancelari i Austrisë, Karl Nehammer për një takim bilateral.
Pas takimit bilateral planifikohet të ketë një konferencë të përbashkët për media.
“Gjatë qëndrimit njëditor në Vjenë, Kryeministri Kurti po ashtu do të marrë pjesë në diskutimin me temë “Ballkani Perëndimor: pjesë qendrore e paqes së qëndrueshme në Evropë” të organizuar nga Akademia Diplomatike e Vjenës, Instituti Austriak për Politika Evropiane dhe të Sigurisë dhe Ambasada e Republikës së Kosovës në Austri”,thuhet në njoftimin për media.
Ndryshe sa i përket këtij viti, kjo është vizita e parë zyrtare e kryeministrit Kurti jashtë vendit.
