ADVERTISEMENT
Kryeministri në detyrë i Republikës së Kosovës, Albin Kurti, do të vizitojë nesër qytetin e Podujevës për të marrë pjesë në ceremoninë e vënies së gurthemelit për ndërtimin e banesave sociale dhe të përballueshme.
Lajmi është bërë i ditur nga Zyra e Kryeministrit, e cila njofton se ceremonia do të mbahet të martën, më 20 maj 2025, duke filluar nga ora 10:00.
Ky projekt synon të përmirësojë kushtet e banimit për qytetarët në nevojë dhe të rrisë mundësinë për strehim të përballueshëm për kategoritë e cenueshme të shoqërisë. Ndërtimi i banesave sociale është pjesë e përpjekjeve për një zhvillim më të drejtë dhe gjithëpërfshirës në nivel lokal dhe kombëtar.
