https://www.facebook.com/visionmediaent/ https://www.facebook.com/visionmediaent/ https://www.facebook.com/visionmediaent/
Visionpress.info
  • Lajmet e Fundit
    • Kosove
    • Shqipëri
    • Rajoni & Bota
    • Moti
  • Covid-19
  • Sport
  • Showbiz
  • Shëndeti
  • Të tjera
  • Tech & Auto
  • Video
No Result
View All Result
Visionpress.info
No Result
View All Result

Kryeministri Kurti: Sllovenia, vend mik dhe mbështetës i besueshëm i Kosovës

Kryeministri Kurti: Sllovenia, vend mik dhe mbështetës i besueshëm i Kosovës

Historikisht, marrëdhëniet bilaterale ndërmjet Kosovës dhe Sllovenisë, ndërmjet dy vendeve dhe dy popujve tanë kanë qenë dhe vazhdojnë të jenë shumë të mira dhe po forcohen dita-ditës, tha Kryeministri i Republikës së Kosovës, Albin Kurti, në pritjen e fundvitit të organizuar nga Ambasada e Sllovenisë.

Kemi ngjashmëri në histori, një histori ku Sllovenia qëndroi fort me popullin e Kosovës – duke qenë një mik dhe mbështetës i besueshëm. Dhe ne kemi edhe një të ardhme të përbashkët – një të ardhme brenda familjes evropiane – duke ndarë vlerat e demokracisë, sundimit të ligjit dhe vullnetit dhe punës së palodhur për prosperitet socio-ekonomik, tha më tej kryeministri.

Ai theksoi se sa i përket marrëdhënieve ekonomike dhe tregtare me Slloveninë, pa dyshim Sllovenia mbetet një partner shumë i rëndësishëm për Kosovën. Gjatë viteve të fundit, shkëmbimet tregtare ndërmjet Kosovës dhe Sllovenisë kanë treguar trende të rritjes së vazhdueshme.

Vitin e kaluar importet nga Sllovenia në Kosovë ishin rreth 177 milionë euro, ndërsa eksportet tona në Slloveni ishin vetëm rreth 10 milionë euro. Gjatë periudhës janar-tetor të këtij viti, eksportet tona në Slloveni janë rritur, duke arritur në 28 milionë euro, që është një rritje mbresëlënëse prej 180%. Në investimet e huaja direkte kemi parë gjithashtu rritje të jashtëzakonshme nga Sllovenia, nga rreth 6 milionë euro në periudhën janar-tetor 2021 në rreth 26 milionë euro për të njëjtën periudhë në 2022, një normë rritjeje prej 350%, theksoi Kryeministri Kurti.

Ai tha se ne do të punojmë si dy vende dhe sektorë privatë përkatës për të forcuar dhe rritur më tej marrëdhëniet tona ekonomike dypalëshe.

Për vitin dhe vitet në vijim shpresoj veçanërisht që marrëdhëniet tona shumë të mira kulturore dhe politike do të rriten në terma të fortë, ashtu si shkëmbimi ynë ekonomik dhe tregtar, tha kryeministri në përmbyllje të fjalës së tij.

Fjala e plotë e Kryeministrit Kurti:


E nderuara Ambasadore Benedejqiq,

E nderuara ministre Hajdari dhe ministër Damka,
I nderuar kryesues Fusha,
I nderuar komunitet i biznesit Kosovë-Slloveni,
Zonja dhe zotërinj,
Të dashur miq dhe mysafirë,

ADVERTISEMENT

Kam kënaqësinë që jam sot këtu me ju dhe të ngre një gotë për vitin e ngarkuar që po lëmë pas dhe për vitin e suksesshëm që po na pret.

https://www.laberion.com/ https://www.laberion.com/ https://www.laberion.com/

Historikisht, marrëdhëniet bilaterale ndërmjet Kosovës dhe Sllovenisë, ndërmjet dy vendeve dhe dy popujve tanë kanë qenë dhe vazhdojnë të jenë shumë të mira dhe po forcohen dita-ditës.

Kemi ngjashmëri në histori, siç e përmendi zonja Ambasadore, një histori ku Sllovenia qëndroi fort me popullin e Kosovës – duke qenë një mik dhe mbështetës i besueshëm. Dhe ne kemi edhe një të ardhme të përbashkët – një të ardhme brenda familjes evropiane – duke ndarë vlerat e demokracisë, sundimit të ligjit dhe vullnetit dhe punës së palodhur për prosperitet socio-ekonomik.

Qeveria jonë aktualisht është duke hartuar një ligj për Fondin Sovran – një koncept që e kemi parë në Slloveni dhe që po ua përshtatim nevojave tona, përkatësisht Slovenian Sovereign Holding.

Është mirë për ne të kemi Slloveninë si shembull, edhe për faktin se mund të shmangim disa nga gabimet që ndoshta janë bërë atje, dhe mund të përpiqemi të mësojmë pak më mirë nga ju përsëri.

Krahas forcimit të demokracisë dhe shtetit ligjor, arritëm një rritje ekonomike prej 10.7% të BPV-së për këtë vit dhe më pas 4% në krahasim me vitin e kaluar, kur zbresim inflacionin. Kemi shtuar 25 mijë vende pune dhe investimet e huaja direkte janë rritur për 47.6% këtë vit në krahasim me vitin e kaluar, dhe vitin e kaluar në krahasim me vitin 2020 rritja ka qenë 22%.

Sa i përket marrëdhënieve tona ekonomike dhe tregtare me Slloveninë, pa dyshim Sllovenia mbetet një partner shumë i rëndësishëm për Kosovën. Gjatë viteve të fundit, shkëmbimet tregtare ndërmjet Kosovës dhe Sllovenisë kanë treguar trende të rritjes së vazhdueshme.

Vitin e kaluar importet nga Sllovenia në Kosovë ishin rreth 177 milionë euro, ndërsa eksportet tona në Slloveni ishin vetëm rreth 10 milionë euro. Gjatë periudhës janar-tetor të këtij viti, eksportet tona në Slloveni janë rritur, duke arritur në 28 milionë euro, që është një rritje mbresëlënëse prej 180%. Në investimet e huaja direkte kemi parë gjithashtu rritje të jashtëzakonshme nga Sllovenia, nga rreth 6 milionë euro në periudhën janar-tetor 2021 në rreth 26 milionë euro për të njëjtën periudhë në 2022, një normë rritjeje prej 350%.

Edhe pse këto janë baza relativisht të vogla, pra nga një bazë e ulët që ne po e bëjmë gjithë këtë rritje, ne do të punojmë si dy vende dhe sektorë privatë përkatës për të forcuar dhe rritur më tej marrëdhëniet tona ekonomike dypalëshe.

Meqë Kosova ka dorëzuar zyrtarisht aplikimin e saj për anëtarësim në Bashkimin Evropian, ne do të punojmë në vazhdimësi në krijimin e kushteve më të mira për të bërë biznes në vendin tonë, përafrimin e standardeve dhe miratimin e rregulloreve dhe ligjeve të BE-së. Në këtë drejtim edhe nënshkrimi i tre marrëveshjeve në kuadër të Procesit të Berlinit ishte një sukses i madh të cilin tani do të duhet ta ratifikojmë në parlamentet tona dhe të fillojmë ta zbatojmë. Është një muaj e gjysmë që nën kryesimin e kancelarit Scholz, Procesi i Berlinit u përtëri, dhe krijimi i tregut të përbashkët rajonal në Ballkanin Perëndimor sigurisht që do të kontribuojë në forcimin dhe zgjerimin e marrëdhënieve bilaterale ndërmjet Kosovës dhe Sllovenisë.

https://www.facebook.com/visionmediaent https://www.facebook.com/visionmediaent https://www.facebook.com/visionmediaent

Për vitin dhe vitet në vijim shpresoj veçanërisht që marrëdhëniet tona shumë të mira kulturore dhe politike do të rriten në terma të fortë, ashtu si shkëmbimi ynë ekonomik dhe tregtar. Dhe trendi, siç thashë, është shumë premtuese.

Pra, gëzuar për ju zonja Ambasadore dhe gëzuar për të gjithë pjesëmarrësit sot! Dhe ju uroj një vit të ri të begatë!

Post Views: 166

Poste të ngjashme

Dogana sekuestron telefona të kontrabanduar në vlerë mbi 64 mijë euro

Dogana sekuestron telefona të kontrabanduar në vlerë mbi 64 mijë euro

02/07/2025, 17:23

Dogana e Kosovës ka ndërmarrë një kontroll të detajuar në një subjekt afarist në Prishtinë, i cili merret me shitjen...

Maqedonci takon gjeneralin Iannucci, fokusi në bashkëpunimin në mbrojtje

Maqedonci takon gjeneralin Iannucci, fokusi në bashkëpunimin në mbrojtje

02/07/2025, 17:00

Ministri në detyrë i Mbrojtjes, Ejup Maqedonci, zhvilloi sot një takim me Komandantin e Komandës Italiane për Operacione të Përbashkëta,...

Nesër, LDK – Dega në Podujevë do ta zyrtarizojë kandidatin për kryetar të komunës

Nesër, LDK – Dega në Podujevë do ta zyrtarizojë kandidatin për kryetar të komunës

02/07/2025, 16:41

  Në kuadër të përgatitjeve për zgjedhjet lokale, LDK – Dega në Podujevë ka njoftuar se gjatë ditës së enjte...

Nënshkruhet memorandum bashkëpunimi për hapjen e puseve të ujit në Podujevë

Nënshkruhet memorandum bashkëpunimi për hapjen e puseve të ujit në Podujevë

02/07/2025, 16:33

Kryetari i Komunës së Podujevës, Shpejtim Bulliqi, ka nënshkruar sot një memorandum bashkëpunimi me drejtorin e Organizatës “Qatar Charity” në...

Publikohet udhëzuesi për përfitimin e shtesave për fëmijë dhe lehona

Publikohet udhëzuesi për përfitimin e shtesave për fëmijë dhe lehona

02/07/2025, 16:19

Ministria e Financave, Punës dhe Transfereve ka miratuar udhëzuesin rreth zbatimit të Shtesave për Fëmijë dhe Lehona. Në udhëzuesin e...

Lajmi i fundit

Dogana sekuestron telefona të kontrabanduar në vlerë mbi 64 mijë euro

Dogana sekuestron telefona të kontrabanduar në vlerë mbi 64 mijë euro

02/07/2025, 17:23
Maqedonci takon gjeneralin Iannucci, fokusi në bashkëpunimin në mbrojtje

Maqedonci takon gjeneralin Iannucci, fokusi në bashkëpunimin në mbrojtje

02/07/2025, 17:00
Nesër, LDK – Dega në Podujevë do ta zyrtarizojë kandidatin për kryetar të komunës

Nesër, LDK – Dega në Podujevë do ta zyrtarizojë kandidatin për kryetar të komunës

02/07/2025, 16:41
Nënshkruhet memorandum bashkëpunimi për hapjen e puseve të ujit në Podujevë

Nënshkruhet memorandum bashkëpunimi për hapjen e puseve të ujit në Podujevë

02/07/2025, 16:33
Visionpress.tv

Ky portal mirëmbahet nga Vision sh.p.k.. Materialet dhe informacionet në këtë portal nuk mund të kopjohen, të shtypen ose të përdoren për qëllime përfitimi apo në çfarëdo forme tjetër, pa miratimin e drejtuesve të portalit "Visionpress.info".

Kërko sipas kategorisë

  • Covid-19
  • FUN
  • Kosove
  • Lajmet e Fundit
  • Moti
  • Rajoni & Bota
  • Shëndeti
  • Showbiz
  • Shqipëri
  • Sport
  • Të tjera
  • Tech & Auto
  • Video

Ke një lajm?

Ke një lajm?
  • Privacy Policy
  • Kontakt

Visionpress.tv

  • Lajmet e Fundit
    • Të gjitha
    • Kosove
    • Shqipëri
    • Rajoni & Bota
    • Moti
  • Covid-19
  • Sport
    • Të gjitha
  • Showbiz
    • Të gjitha
  • Shëndeti
    • Të gjitha
  • Tech & Auto
  • Të tjera
  • Video

Visionpress.tv