Kryetari i komunës ka përmbushur ose është në proces realizimi të 84% të premtimeve zgjedhore deri në qershor të vitit 2024
Instituti GAP ka publikuar raportin mbi përmbushjen e premtimeve zgjedhore të kryetarëve të komunave për mandatin 2021-2025, duke përfshirë periudhën deri në fund të qershorit 2024. Sipas këtij raporti, nga gjithsej 61 premtime, 29 janë realizuar plotësisht, 11 janë përmbushur pjesërisht, 11 janë në proces, ndërsa 10 projekte ende nuk kanë filluar.
Kjo përqindje prej 84% e premtimeve të përmbushura ose në proces realizimi tregon përkushtimin e administratës për të mbajtur zotimet ndaj qytetarëve. Përveç përmbushjes së premtimeve të bëra gjatë fushatës, komuna ka realizuar edhe një sërë projektesh të tjera të rëndësishme për qytetarët.
Synimi mbetet që deri në përfundim të mandatit të përmbushen tërësisht të gjitha premtimet e bëra gjatë fushatës zgjedhore.
Burimi: Instituti GAP
