ADVERTISEMENT
Kryetari Bulliqi përcolli punimet që po zhvillohen në renovimin e objekteve banesore
Sot gjatë ditës kryetari i Komunës, Shpejtim Bulliqi i shoqëruar edhe nga drejtori i drejtorisë së Planfikimit Urban dhe Mbrojtje të Mjedisit, Leutrim Krasniqi, kanë përcjellur dinamikën e punimeve që po zhvillohet në meremetimin e objekteve banesore.
Në kuadër të këtij projekti përfshihen: fasadimi, renovimi i pullazeve, ndriçimi në koridore të objekteve dhe rregullimi i hapësirave publike përreth, ku për këtë vit Komuna e Podujevës ka ndarë 250 mijë euro për restaurimin e këtyre objekteve.
Kryetari Bulliqi tha se ” Përmes këtyre investimeve në banesa kolektive po përmirësojmë kushtet e banimit për qytetarët tanë që jetojnë në këto objekte, kurse pas përfundimit të meremetimit të këtyre objekteve do të vazhdojmë punën me renovimin e objekteve të tjera të cilat kanë mbetur pa u rinovuar”.
