Kryetari i Komunës së Podujevës, Shpejtim Bulliqi, ka pritur sot në takim boksierin e suksesshëm Viktor Cakiqi, i cili me paraqitjet e tij mbresëlënëse po përfaqëson vendin me krenari në arenën ndërkombëtare të boksit.
Cakiqi garon në kategorinë Welter dhe aktualisht mban vendin e parë në Gjermani, me një rekord të përsosur prej 13 ndeshjesh – 13 fitore. Më 30 korrik, ai do të ngjitet në ring në Berlin, ku do të luftojë për titullin prestigjioz WBO International, përkatësisht kampionin evropian në këtë kategori.
Kryetari Bulliqi e përgëzoi për sukseset e deritanishme dhe i uroi shumë fat në sfidën e radhës, duke theksuar se përkushtimi, disiplina dhe talenti i tij janë vlera që duhet të përkrahen e promovohen.
“Viktori po na bën krenar të gjithëve. Jam i bindur që do të vazhdojë ta përfaqësojë Kosovën me dinjitet dhe suksese të reja,” u shpreh kryetari Bulliqi
