Kryetari Bulliqi priti në takim drejtorin e BERZH-it për zhvillimin e Podujevës

Kryetari i Podujevës Shpejtim Bulliqi priti në një takim Drejtorin e Bankës Evropiane për Rindërtim dhe Zhvillim (BERZH), z. Sergiy Maslichenko. Gjatë bisedës, u diskutuan projekte kyçe për zhvillimin e komunës që tejkalojnë kapacitetet e buxhetit komunal, por janë thelbësore për përmirësimin e jetës së qytetarëve.

Një nga temat kryesore ishte ndërtimi i impiantit të ujërave të zeza, një projekt që do të ndikojë në menaxhimin e ujërave dhe mbrojtjen e mjedisit. Po ashtu, u diskutua edhe krijimi i ngrohtores së qytetit, që do të ofrojë ngrohje të qëndrueshme për banorët.

Kryetari theksoi rëndësinë e investimeve në energji efikase dhe përmirësimin e transportit publik, projekte që synojnë të reduktojnë kostot dhe të mbrojnë mjedisin.

Në përfundim, Kryetari falënderoi z. Maslichenko për mbështetje dhe theksoi se ky bashkëpunim është thelbësor për zhvillimin afatgjatë të Podujevës dhe për jetën e qytetarëve./Tv Llapi

Postimi i plote:

Sot prita në takim Drejtorin e Bankës Evropiane për Rindërtim dhe Zhvillim (BERZH), z. Sergiy Maslichenko, me të cilin diskutuam disa projekte kyçe për zhvillimin e Podujevës, që tejkalojnë kapacitetet e buxhetit komunal, por janë thelbësore për përmirësimin e jetës së qytetarëve.

Diskutuam për ndërtimin e impiantit të ujërave të zeza, që do të ndikojë në mjedisin dhe menaxhimin e ujërave, si dhe për krijimin e ngrohtores së qytetit, që do të sigurojë ngrohje të qëndrueshme për qytetarët. Po ashtu, folëm për investimet në energji efiçiente dhe përmirësimin e transportit publik, projekte që synojnë reduktimin e kostove dhe mbrojtjen e mjedisit.

Falënderoj z. Maslichenko për vizitën dhe mbështetjen e ofruar, duke theksuar se ky bashkëpunim është i rëndësishëm për zhvillimin afatgjatë të Podujevës dhe përmirësimin e jetës së qytetarëve tanë.