Kryetari Bulliqi priti në takim Zëvendësuesin e Drejtorit të Përgjithshëm të SHKK-së,Sami Gashi
Kryetari i Komunës së Podujevës, Shpejtim Bulliqi, bashkë me drejtorin e Bujqësisë, Pylltarisë dhe Zhvillimit Rural, Fatmir Rudari, pritën në takim Zëvendësuesin e Drejtorit të Përgjithshëm të Shërbimit Korrektues të Kosovë, Sami Gashi dhe drejtorin e Burgut të Sigurisë së Lartë, Xhevdet Maqastena, me ç’rast informuan kryetarin Bulliqi lidhur me trajtimin e të burgosurëve dhe kushtet e përgjithshme të SHKK-së, si dhe u diskutua për mundësinë e bashkëpunimit në mes të dy institucioneve.
Gjatë takimit u diskutua edhe për çështjen e sigurisë në komunën e Podujevës, dhe objektivat e përbashkëta të bashkëpunimit mes dy institucioneve, ku SHKK-së kërkoi që të jetë pjesë e takimeve për çështje të sigurisë në komunën e Podujevës.
Të dy palët u dakorduan për draftimin e një marrëveshje mes Komunës dhe SHKK-së, për angazhimin e të burgusorëve në aktivitete në dobi të komunitetit si mirëmbajtja e hapësirave publike, pastrimin e Liqenit të Batllavës dhe mirëmbajtjen e varrezave në mënyrë periodike.
Ndërsa kryetari Bulliqi i njoftoi që së shpejti komuna do të intervenojë në rrugën e dëmtuar përgjatë Burgut të Sigurisë së Lartë në Gërdoc, duke ju lehtësuar qarkullimin shfrytëzuesve të asaj rruge.
31.03.2023, Podujevë
Zyra për Marrëdhënie me Publikun dhe Informim
