Kryetari i Komunës, Shpejtim Bulliqi sot ka zhvilluar takim me përfaqësues të Task Forcës Britaneze në kuadër të KFOR-it në Kosovë.
Në këtë takim u diskutua për situatën aktuale në aspektin e përgjithëshëm të sigurisë në vendin tonë dhe në veçanti për projektet kapitale që po realizohen në Komunën e Podujevës, ku kryetari Bulliqi i informoi më tepër për disa nga projektet kapitale nga sektori i arsimit, shëndetësisë, urbanizmit dhe bujqësisë.
Kryetari Bulliqi u shpreh mirënjohës ndaj shtetit britanik për mbështetjen e vazhdueshme ndaj Kosovës, si dhe shprehu respektin e lartë për trupat e KFOR-it që po qëndrojnë në komunën tonë duke e vlerësuar si të shkëlqyeshëm bashkëpunimin me ta.
Në fund të dyja palët u dakorduan thellim të bashkëpunimit në interes të të gjithë qytetarëve padallim.
08.06.2023, Podujevë
Zyra për Marrëdhënie me Publikun dhe Informim
