Kryeministri i Kosovës, Albin Kurti ka bërë të ditur se afër 5000 veta do të punojnë për regjistrimin e qytetarëve të Kosovës, për ekonomi familjare si dhe banesa, përcjell InLajmi.
Kushtet e jetesës, niveli i edukimit, si dhe të dhënat mbi madhësinë, shpërndarjen dhe përbërjen e popullsisë janë baza e politikave për të ardhmen.
Ky proces i regjistrimit të popullsisë ka filluar që nga 1 shtatori i këtij viti dhe do të zgjasë deri me 16 tetor të vitit 2023.
Regjistrimi i të gjithë qytetarëve do të bëhet nga Agjencia e Statistikave të Kosovës.
Postimi i plotë i tij:
Afër 5 mijë veta do të punojnë për regjistrimin e popullsisë, ekonomive familjare dhe banesave nga 1 shtator deri më 16 tetor 2023. Sot filloi Java e Regjistrimit të Popullsisë 2023 dhe konferenca katër ditore REKOS organizuar nga Agjencia e Statistikave të Kosovës (ASK) dhe Fondi për Popullsi i Kombeve të Bashkuara (UNFPA) për konsultime me palë të interesuara.
Të dhënat mbi madhësinë, shpërndarjen dhe përbërjen e popullsisë, kushtet e jetesës e niveli i edukimit, janë bilanci empirik i së tashmes dhe baza e politikave për të ardhmen.
Secili qytetar i Kosovës do të regjistrohet. Qeveria e Kosovës do të mbështes ASK-në që regjistrimi të jetë cilësor, profesional, dhe gjithëpërfshirës./InLajmi/.
