Kryeministri i Republikës së Kosovës, Albin Kurti, ka marr pjesë në lansimin zyrtar të Sistemit për Hartimin e Legjislacionit (LDS), organizuar nga Zyra Ligjore e Zyrës së Kryeministrit.
Kurti tha se digjitalizimi është njëra nga shtyllat kryesore të qeverisë, duke shtuar se me lansimin e LDS-së është arritur një transformim i rëndësishëm i transformimit digjital
“Digjitalizimi është njëra nga shtyllat kryesore të planit tonë qeverisës. Jemi zotuar të ngrisim efikasitetin dhe transparencën e administratës publike e me këtë edhe të shërbimeve qeveritare. Gëzohem që sot po e lansojmë Sistemit për Hartimin e Legjislacionit (LDS) si një të arritur të rëndësishëm në kuadër të transformimit digjital” tha Kurti.
“Sistemi për hartimin e legjislacionit shërben si platformë hartuese që u mundëson zyrtarëve publike të hartojnë legjislacionin direkt në sistem. Si rezultat, palët e interesuara do të kursejnë kohë pasi procedimi tutje i dokumenteve bëhet automatikisht nga sistemi. Gjithashtu, procesi i përafrimit të legjislacionit vendor me atë të BE-së përfiton nga ky sistem sepse tabela e përputhshmërisë me Acquis hartohet drejtpërdrejtë në sistem. Po ashtu, sistemi mundëson që mangësitë e mëparshme siç janë: problemet teknike me formatizimin e projekt akteve ligjore dhe akteve nënligjore dhe tabelave të përputhshmërisë me Acquis, të eliminohen. Kjo arrihet përmes mundësisë teknike që ofron sistemi”, tha tutje Kurti.
