Kryeministri Albin Kurti ka pretenduar se Partia Demokratike e Kosovës (PDK) ka kërkuar që dy emrat për president të jenë nga ta, pa ia treguar emrin atij.
“Partia Demokratike e Kosovës asnjëherë s’ka nxjerrë asnjë emër përpara nesh, ajo vetëm ka kërkuar që ne t’i besojmë në mënyrë absolute dhe të verbër, pra absolute që dy kandidatë të jenë të PDK-së dhe të verbër që të mos na e tregojnë emrin paraprakisht. Si subjekt demokratik që jemi, me statutin e LVV-së, me mua si kryetar i saj, kjo e bën të pamundur marrëveshjen”, deklaroi Kurti.
“Prandaj, uroj që me komunikimet dhe takimet në vijim me kryetarin e PDK’së, kjo të ndryshojë, sepse nuk mund të ketë marrëveshje politike për presidentin e ardhshëm përderisa nuk e thua asnjëherë askujt asnjë emër”.
