Kryeministri i vendit, Albin Kurti në seancën e sotme në Kuvendin e Kosovës ka folur për propozimin evropian të BE-së, shkruan Gazeta Online Reporteri.net.
Kreu i ekzekutivit tha se Kosova e ka ndërtuar qasjen e saj strategjike përballë dialogut me Serbinë mbi bazën e dy qëllive fillestare.
“Qeveria e ka ndërtuar qasjen e saj strategjike përballë dialogut me Serbinë te lehtesuar nga Bashkimit Evropian mbi bazën e dy qëllimeve fillestare. 1.Ndërprerjen e praktikës së përfshirjes të çdo çështje potencialisht kontestuese ndërmjet palëve në fushëveprimin e dialogut, dhe 2.Hapja e kapitullit të një procesi të bisedimeve per ndertimin e raporteve te jasthme te fqinjesise se mire, parimeve të së drejtës ndërkombetare si dy shtete të pavarura që e bazonin marrëdhënienen e tyre mbi premisin e njohjes së dy anshme të shtetësisë”, tha Kurti.
Kryeministri i vendit përmendi takimin e 18 gushtit, ku siç tha ai Përfaqësuesi i lartë i Bashkimit Evropian, Josep Borrell bëri hapin e madh për ftesën për takim në këtë datë, dhe siç thotë Kurti ky takim ishte rezultat i presionit të Qeverisë së Kosovë.
“Borrell për herë të parë në më shumë se 12 vite dialog, pranoi ta bëjë hapin e madh, atë të ftesës së datës 18 gusht 2022. Takimi ishte qartazi rezultat direkt i presionit të qeverisë tonë, që dialogu të kalojë në fazën e rregullimit të marrëdhënieve, me qendër njohjen”, tha Kurti.
“Ne takimin e dates 18 gusht ia bera të qartë Borrellit dhe Vuçiqit që Kosova nuk do të pranojë më një dialog që nuk është për një marrëveshje përfundimtare, mbi njohjen e ndersjelltë. Takimi dha efektin e tij të menjëhershëm, si vizita e emisarëve më 9 shtator apo propozimi franko-gjerman”./Reporteri.net/
