Kryeministri i vendit, Albin Kurti ka thënë se teksa diskutohet për çështjet aktuale, nuk duhet të vonohen bisedimet për marrëveshjen me Serbinë.
Këtë deklaratë ai e dha pas takimit me përfaqësuesin e lartë të BE-së, Josep Borrell, përcjell teve1.info
Ai ka bërë të ditur se së bashku me Borrellin kanë diskutuar edhe për propozimin franko-gjerman.
“Përpara Forumit të sotëm të Paqes në Paris u takova me Josep Borrell për të diskutuar propozimin e Brukselit të mbështetur nga Franca, Gjermania dhe SHBA, për normalizimin e marrëdhënieve me Serbinë. Ne nuk duhet të vonojmë bisedimet për marrëveshjen ligjërisht të detyrueshme teksa trajtojmë çështjet aktuale”, ka shkruar ai në Twitter.
Kryeministri Kurti po merr pjesë në Forumin e Paqes në Paris, me ftesë të presidentit francez, Emmanuel Macron. /Teve1.info/
