Kurti: Qeverisja lokale në disa raste po përdoret për opozitë të nivelit qendror
Kryeministri i Kosovës, Albin Kurti deklaroi se qeverisja lokale po i bënë opozitë nivelit qendror.
Kryeministri Kurti në mbledhjen e sotme të qeverisë tha se dikur niveli qendror i bënte opozitë nivelit lokal, kurse tani po ndodh e kundërta, e cila sipas tij është gabim.
Kurti: Qeverisja lokale në disa raste po përdoret për opozitë të nivelit qendror
Video
“Dikur niveli qendror i bënte opozitë qeverisjes lokale. Sot, qeverisja lokale në disa raste po përdoret për opozitë të nivelit qendror. Gabim ka qenë atëherë. Gabim është edhe tani. Bashkëpunimin e kemi përgjegjësi. Të dy nivelet e qeverisjes burojnë nga vullneti i qytetarëve. Prandaj, edhe duhet të jemi në shërbim të tyre. Qeveria është e të gjithëve. Edhe e komunave. E komunat janë të qytetarëve, jo të partive politike”, tha ai.
Kurti paraqiti disa shifra që dëshmojnë rritjen e përkrahjes financiare të qeverisë së tij ndaj komunave.
Kurti: Buxheti i përgjithshëm komunal për vitin e ardhshëm arrin vlerën prej 742 milionë euro
Video
“Buxheti i përgjithshëm komunal për vitin e ardhshëm arrin vlerën prej 742 milionë euro, që i bie gati 200 milionë euro më shumë buxhet për komuna gjatë qeverisjes sonë sesa gjatë qeverisë së mëparshme, apo rritje mbi 35%. Ndërkaq, Granti i Përgjithshëm për Komuna për vitin 2024 kapë shumën prej 284.7 milionë euro, e që paraqet vlerën më të madhe ndonjëherë për këtë grant. Kjo vlerë rekorde e Grantit të Përgjithshëm vjen si rezultat i drejtpërdrejtë i rritjes së të hyrave në Buxhetin e Shtetit”, shtoi ai.
Po ashtu, Kurti paralajmëroi se javën e ardhshme do të ketë takim me kryetarët e komunave./KosovaPress/
