Kryetari Mavriq, ju uroi mirëseardhje delegacionit nga Komuna e Podujevës duke u shprehur i lumtur që për herë të parë Komuna e Podujevës viziton Komunën e Ulqinit. Kryetari Mavriq foli për qeverisjen lokale, ku prezantoi edhe parimet kryesore të funksionimit të kuvendit komunal, strukturën e kuvendit, miratimin e vendimeve, kompetencat si dhe sfidat e kuvendit.
Kryesuesi i kuvendit komunal të Podujevës, Hilmi Hoxha, falënderoi kryetarin Mavriq, për mikpritjen vëllazërore, ku theksoi që komuna e Podujevës është e gatshme për krijimin e bashkëpunimit mes dy komuave me qëllim të shkëmbimit të përvojave të mira dhe bashkëpunimit për projektet e ardhshme në fusha të ndryshme të kulturës, sportit dhe turizmit.
Gjatë vizitës anëtarët e kuvendit komunal të Podujevës diskutuan mbi funksionimin e kuvendit komunal të Ulqinit ku dhe falënderuan kryetarin Mavriq për pritjen.
Në fund Kryetari Mavriq i dhuroi një libër kryesuesit Hoxha, dhe në shenjë respekti dhe falëndërimi për delegacionin nga Podujeva shtroi edhe një darkë ku diskutuan më shumë rreth projekteve konkrete në të ardhmen mes dy komunave.
ADVERTISEMENT
