Një vlerë prej 1 milion eurove të fshehura në një hapësirë të improvizuar brenda një furgoni janë gjetur nga zyrtarët e Doganës dhe policët kufitarë në Merdarë.
Vlera milionëshe e cila nuk ishte deklaruar fillimisht ishte vërejtur nga skanerët dixhitalë me rreze X të Doganës së Kosovës.
ADVERTISEMENT
KALLXO.com ka mësuar detaje në lidhje me personat e dyshuar të cilët po futnin brenda Kosovës 1 milion euro të padeklaruara te autoritetet doganore.
Siç ka mësuar KALLXO.com, të dyshuarit janë Ardit Laska, polic në radhët e Policisë së Shtetit në Shqipëri; Ahmet Kaziu dhe Etnik Ahmaxhokaj.
