LDK-JA dorëzon në ZRRE kërkesën për anulimin e vendimit për rritjen e çmimit të energjisë

Lidhja Demokratike e Kosovës (LDK) sot i është drejtuar  Zyrës së Rregullatorit të Energjisë (ZRRE) me kërkesen për anulimin e dy vendimeve, për çka edhe mblodhi nënshkrime në Kuvend gjatë javës që shkoi

LDK-JA po kërkon nga ZRRE-ja anulimin e vendimit që ka çuar në rritjen e tarifave të energjisë elektrike për 16.1%, si dhe vendimi që obligon 1300 kompani të dalin në tregun e hapur të energjisë nga 1 qershori.

Deputetja e LDK-së Hykmete Bajrami ka thënë për Indeksonlinen se tashmë e kanë dorëzuar në ZRRE  kërkesën për anulimin e këtyre dy vendimeve.

Po e kemi dorëzuar dhe se tashmë jemi këtu në takim”, ka thënë Bajrami.

Ndryshe Bajrami ka thënë se këtë dy vendime po rrezikojnë rritjen e kostos së jetesës dhe falimentimin e bizneseve.

“Ky vendim ka rritur çmimin e energjisë për konsumatorët dhe rrezikon të nxisë një valë të re inflacioni”, ka thënë Bajrami.