LDK në Podujevë inicon seancë për ndarje të buxhetit për pako ndihmëse

LDK në Podujevë inicon seancë për ndarje të buxhetit për pako ndihmëse Asambleisti i LDK-së në Podujevë, Valon Demolli, ka reaguar përmes një shkrimi në Facebook, se Qeveria e Kosovës nuk ka aprovuar ndarjen e buxhetit për pako ushqimore dhe higjienike. Kjo kërkesë ka qenë e inicuar nga Këshilli i LDK-së, si dhe ishte përkrahur nga asambleistët e kësaj partie në mars të vitit 2022, që të ndahet buxhet për familjet në nevojë, ku edhe janë ndarë 70 mijë euro. Ky vendim më pas ka kaluar në Ministrinë e Financave për verifikim të ligjshmërisë, e që nuk është aprovuar. Lidhur me këtë Demolli, e ka thënë se Ministria e Financave është e ndikuar politikisht, dhe si rezultat i kësaj, sipas tij këtë vit, mbi 500 familje llapjae do të mbesin pa ndihmë në pako.

Postimi i plotë nga Valon Demolli

Të nderuar qytetarë,

Me 16 mars të vitit 2022, inicuar nga Grupi i Këshilltarëve të LDK-së dhe me mbështetje edhe tê asambleistëve tjerë, kemi thirrur seancë për ndarje të buxhetit për pako ushqimore dhe higjenike për familjet në nevojë.

Në seancë kuvendi ka ndarë 70 mijë euro për këtë iniciativë.

Vendimi i kuvendit sipas procedurës, ka shkuar për verifikim të ligjëshmerisë në Ministrinë e Financave dhe e njejta sot e atë ditë, afër 10 muaj nuk ka kthyer përgjigjje.

Ndërsa, praktika të tilla kishte më parë edhe nga komuna e Podujevës, por edhe komuna tjera.

Kësisoji, kjo ministri e ndikuar politikisht, në këtë vit të inflacionit të madh ka lënë mbi 500 familje llapjane pa ndihmë në pako ushqimore dhe higjenike.

I papranueshëm është fakti që edhe Komuna e Podujevës nuk e ka bërë asnjë përpjekje në këtë drejtim. Ndërsa dihet që edhe ministria edhe komuna udhehiqen nga LVV.

Si duket jane kordinuar për ta pamundësuar realizimin e kësaj nisme!

Qytetarët llapjanë nuk harrojnë!