Kryetari i komunës së Drenasit, Ramiz Lladrovci, ka reaguar pas largimit të serbëve nga institucionet.
Lladrovci ka shkruar se “e kuptueshme se shteti ynë nuk ju pëlqen disave që kanë mentalitet kolonisti, por, jeta në paqe është dëshirë e çdo qytetari në Kosovë”.
Ai thotë se forcimin e shtetit dhe shtetësisë së Kosovës e kanë detyrim të gjithë qytetarët pa arrogancë dhe pa inate.
Postimi i Lladrovcit:
Largimi nga institucionet i serbëve, është lajm jo i mirë për shtetin që po ndërtojmë.
Forcimin e shtetit dhe shtetësisë së Kosovës e kanë detyrim të gjithë qytetarët pa arrogancë dhe pa inate. Serbët në Kosovë kanë të drejta më shumë se çdo minoritet në Evropë, por, duke i njohur, kjo nuk ju mjafton.
E kuptueshme se shteti ynë nuk ju pëlqen disave që kanë mentalitet kolonisti, por, jeta në paqe është dëshirë e çdo qytetari në Kosovë.
Çlirimi i Kosovës solli vlera të cilat janë të qëndrueshme dhe të dëshmuara, sikur miqësia me ShBA-në dhe Bashkimin Evropian. Nuk do të jetë mirë për shtetin dhe shtetësinë tonë çfarëdo dileme për aleancat dhe vlerat e shtetit tonë.
Kushdo që mendon se shteti serb me vullnet u tërhoq nga Kosova, duhet ta dijë se nuk ishte ashtu. Ata u tërhoqën nga ballafaqimi në beteja dhe luftën tonë çlirimtare dhe aleancën e UÇK-së me NATO-n.
Ishte traditë që qeverisja më e re të ishte më e mirë se qeverisja paraprake, do të duhej të ishte edhe më largpamëse.
Fundja, buka marohet me miellin që ke në magje dhe politika duhet ta ketë vëmendjen për magjen e miellin!
