Talenti i ri Dion Ajvazi ka nënshkruar kontratën e tij të parë profesionale me klubin gjerman Hertha BSC, duke bërë një hap të madh në karrierën e tij. Ajvazi iu bashkua Herthës në vitin 2017 nga BFC Dynamo dhe ka kaluar me sukses nëpër të gjitha nivelet e akademisë së klubit.
Tani, ai do të jetë pjesë e ekipit të parë në kuadër të projektit “Berliner Weg”, që synon zhvillimin dhe promovimin e talenteve të rinj nga akademia.
Ajvazi, me origjinë nga qyteti i Podujevës në Kosovë, është gjithashtu pjesë e Kombëtares së Kosovës, ku paraqitjet e tij kanë treguar potencialin e madh që zotëron.
Hertha BSC ka shprehur krenarinë dhe pritshmëritë për të ardhmen me Ajvazin në skuadër, duke theksuar se mezi presin të vazhdojnë rrugëtimin së bashku në ngjyrat blu dhe të bardha.
