Ministria e Shëndetësisë edhe pas një muaji e gjysmë është duke operuar me ushtrues detyre, shto këtu faktin që kompetencat kryesore për ta drejtuar këtë sektor i ka marrë kryeministri i vendit, Albin Kurti.
Sa i përket mosemërimit të ministrit të Shëndetësisë, Lul Raka nga IKShPK-ja për Ekonomia Online ka thënë se këtë pyetje duhet bërë politikanëve.
“Këtë pyetje bonja politikanëve. Unë skam lidhje me këtë punë. Gjendja në shëndetësi është e vështirë dhe sfiduese. Pa mjekë nuk mbesim. Mjekë do të ketë mirëpo është numër i madh i atyre që ia kanë mësy shteteve të Evropës perëndimore dhe normal që është shqetësim për të gjitha shtetet e rajonit dhe duhet investuar që njerëzit sidomos pjesa më vitale të qëndrojnë dhe punojnë në Kosovë”.
“Kryeministri duhet të investojë që këta njerëz të ndalen. Te ulet numri i mjekëve duke i stimuluar në punësim, dhe duke krijuar ura të bashkëpunimit me atë që tashmë janë larguar sepse një pjesë e tyre janë jashtë”, u shpreh ai.
“Me zbatimin e masave parandaluese te cilat tashmë popullata i di. Dimri ka viruse të ndryshme për shkak të sezonës dhe grumbullimit te brendshëm. Fokusi duhet të jetë në mbrojtjen dhe ruajtjen e popullatës të rrezikuar aty që kanë problem me imunitet personat në moshë të shtyrë që kanë sëmundje shoqëruese . Fokusi i mbrojtjes së parandalimit është kjo kategori”, tha Raka..Gazeta Blic
