Deputeti i PDK’së, Mergim Lushtaku, i është kundërpërgjigjur deputetes së VV’së, Mimoza Kusari-Lila, e cila shprehu qëndrimin e këtij subjekti partiak kundër tërheqjes së Trustit, që pritet të votohet në Kuvend të enjten.
“Si s’ke turp”, iu drejtua Lushtaku, Kusari-Lilës, shkruan Gazeta Online Reporteri.net.
“Si s’ke turp t’iu drejtohesh në atë menyrë 21 mijë qytetarëve që kanë kërkuar paratë të cilat janë kontribut i tyre?!”, shkroi ai në një reagim në Facebook.
Lushtaku po ashtu tha se VV bën peticione për gjëra jo relevante, ndërsa kur vie puna te Trusti “pa fije turpi” ua kthejnë shpinën qytetarëve.
“Turpi ka emër”, përfundoi deputeti i PDK’së. /Reporteri.net/.
Reagimi i plotë:
Si s’ke turp Mimoza Kusari, t’iu drejtohesh 21 mijë qytetarëve me një ton injorues, nënçmues dhe kërcënues?!
Si s’ke turp t’iu drejtohesh në atë menyrë 21 mijë qytetarëve që kanë kërkuar paratë të cilat janë kontribut i tyre?!
A jeni ju VV që për çështje astronomike dhe jo relevante keni bërë peticione?!
Në vitin 2020, PDK e mbështeti një iniciativë të tillë dhe nuk ka pati fare nevojë për peticion, sepse gjendja ekonomike ishte e vështirë, ndërsa JU sot, në kulm të inflacionit, pa fije turpi ua ktheni shpinën qytetarëve të vendit dhe ua mohoni tërheqjen e parave të tyre, djersës së tyre.
Turpi ka emër!
