Sot, në qytetin e Gjenevës, mbahet një marsh paqësor në kujtim dhe nderim të personave të zhdukur me dhunë gjatë luftës në Kosovë. Ky aktivitet shënon 26 vjet nga zhdukja e qindra shqiptarëve që ende nuk janë gjetur apo identifikuar.
Marshi organizohet nën moton: “Përderisa i kujtojmë, ata jetojnë”, dhe synon të rikujtojë komunitetin ndërkombëtar për përgjegjësinë që ka ndaj çështjes së të zhdukurve me dhunë.
Detajet e aktivitetit:
Ora 13:30 – Grumbullimi në Parc des Cropettes
Ora 14:00 – Nisja e kortezhit
Itinerari: Rue de Montbrillant – Avenue de France – Place des Nations
Përfundimi: Sheshi i Kombeve (Place des Nations), përpara OKB-së
Organizatorët i ftojnë të gjithë shqiptarët dhe përkrahësit e të drejtave të njeriut që të marrin pjesë në këtë manifestim me flamuj shtetërorë të Kosovës , flamuj kombëtarë dhe lule si simbol nderimi për të zhdukurit.
