Në kuadër të shënimit të 28 Nëntorit, sot në Teatrin e Qytetit “Avdush Hasani” u mbajt një program i pasur kulturor dhe artistik, i cili mblodhi dhjetëra fëmijë, nxënës e artdashës të qytetit.
Aktivitetet u hapën me Ekspozitën e pikturave të fëmijëve, e cila u vendos në hapësirën Teatrit “Avdush Hasani”. Krijimet e vogëlushëve sollën ngjyra, kreativitet dhe atmosferë festive në kuadër të Ditës së Flamurit.
Më pas, publiku pati mundësinë të përcjell dramën “Festë në Bibliotekë”, e realizuar nga Biblioteka e Qytetit. Në këtë shfaqje morën pjesë: Art Maliqi, Arbana Llumnica, Alea Mehana, Diar Bunjaku dhe Sion Zeka, të cilët u vlerësuan me çmime për paraqitjet e tyre.
Programi i vazhdoi me valle të përgatitura nga nxënësit e shkollave fillore “Xheladin Rekaliu”, “Dëshmorët e Kombit”, “Naim Frashëri” dhe “Shaban Shala”.
Aktiviteti për nder të kësaj feste vazhduan me interpretimin e disa këngëve nga Grupi i kitares “Mirela”, si dhe leximi i tri eseve të përzgjedhura, dy prej të cilave nga Arbana Llumnica dhe një nga Artiola Totaj.
Dita e sotme do të përmbyllet me një koncert nga Ansambli “Shota”, i cili do të mbahet në Teatrin “Avdush Hasani”, duke filluar në orën 19:00.
