Mbi 21 mijë të vdekur e 72 mijë të tjerë të lënduar nga tërmeti në Turqi e Siri

Numri i të vdekurve nga tërmetet që prekën Turqinë dhe Sirinë, sipas autoriteteve, ka shkuar tashmë deri në 21,051 viktima.

Prej tyre, në Turqi deri tani rezultojnë të paktën 17,674 të vdekur dhe 72,879 të tjerë të plagosur. Kështu ka deklaruar të enjten zëvendëspresidenti Fuat Oktay, raporton CNN,shkruan Gazeta Online Reporteri.net.

Në anën tjetër, numri i të vdekurve në Siri është më i vogël. Aty deri tani numërohen 3,377 viktima. Kurse 5,245 të tjerë kanë pësuar lëndime të rënda.

Këto viktima erdhën si pasojë e një tërmeti vdekjeprurës 7.8 ballë që goditi Turqinë këtë të hënë, e që preku edhe territorin e Sirisë. Ky tërmet u përcoll edhe me disa goditje të tjera që lanë pasoja në njerëz e shkaktuan dëme të mëdha materiale. /Reporteri.net/.