ADVERTISEMENT
Shefi i Departamentit të Efikasitetit të qeverisë amerikane, Elon Musk, ka mbështetur idenë për mbylljen e Radios Evropa e Lirë dhe Zëri i Amerikës.
Pas shkrimeve të emisarit për Misione të Veçanta të ShBA-ve për mbylljen e këtyre mediumeve ka ardhur mbështetja edhe nga miliarderi Musk.
Njeriu më i përfolur në administratën e presidentit Trump, Musk, kërkoi që këto dy mediume të mbyllen menjëherë.
“Po, mbyllni ato. Evropa është e lirë tani, përveç burokracisë mbytëse. Askush nuk i dëgjon më”, postoi Musk në rrjetin e tij X.
Grenell kishte thënë se këto media financohen nga taksapaguesit amerikanë dhe se ato janë “të mbushura me aktivistë të ekstremit të majtë”, e të panevojshme.
Ai shtoi se këta janë “thjesht të majtë radikalë që flasin me veten e tyre ndërsa djegin një miliardë dollarë para të taksapaguesve amerikanë çdo vit”.
