44 vjeçari, Jovan Vukotiq, lideri i klanit famëkeq Skaljari, i cili është vrarë në shtator të këtij viti në Stamboll, raportohet se në territorin e Turqisë kishte hyrë me dokumente të falsifikuara, të cilat sipas këtij raportimi i kishte marrë në Kosovë, transmeton Gazeta Online Reporteri.net.
Mediat në Turqi raportojnë se dokumentet e falsifikuara, të cilat i kishte marrë në Kosovë, ai kishte përdorur identitetin Predrag Popoviqit.
Nga Turqia, ai ishte dëbuar në vitin 2018 nga ku ishte deportuar në Serbi, ku Gjykata e Lartë në Beograd e dënoi me 15 muaj burg.
Jovan Vukotiq që raportohet se ka hyrë ilegalisht në Turqi me pasaportë të cilën e ka marrë në Kosovë me emrin e rremë Predrag Popoviq, më parë i ishte nënshtruar një operacioni për ndryshimin e fytyrës, informacion ky që sipas mediave turke, tashmë është informacion zyrtar i Policisë.
Vukotiq, kreu i bandës famëkeqe të drogës me emrin Skaljari që vepronte në Malin e Zi ishte ekzekutuar në Turqi. Mediat kishin raportuar se ai u qëllua për vdekje nga një motoçikletë teksa ishte në një makinë me gruan dhe vajzën e tij.
Banda e Skaljarit është përfshirë në një luftë gjashtëvjeçare me bandën rivale të Kavaçit, po nga Kotorri. Të paktën 40 persona janë vrarë në Mal të Zi, Serbi, Austri dhe Greqi në konflikt. Të dyja bandat i kanë marrë emrat e tyre nga lagjet e Kotorrit. Konflikti nisi në vitin 2015, pasi 300 kilogramë kokainë u zhdukën nga një apartament në Valencia, Spanjë, në vitin 2014. /Reporteri.net
