Richard Grenell, diplomati kontravers që shërbeu si përfaqësues i posaçëm i Shteteve të Bashkuara të Amerikës (SHBA) për Ballkanin Perëndimor gjatë mandatit të parë të presidentit amerikan, Donald Trump, konsideroi për “Financial Times” të martën se kanë ndërmarrë “hapa të rëndësishëm” në tërheqjen e Serbisë nga ndikimi i Rusisë dhe Kinës.
ADVERTISEMENT
“Unë besoj se kemi ndërmarrë hapa të rëndësishëm në tërheqjen e Serbisë nga ndikimi i Rusisë dhe Kinës dhe më afër SHBA-së. E pranoj gjithashtu se duhet bërë më shumë dhe jam i përkushtuar ta bëj pikërisht këtë”, theksoi Grenelli, i cili është konsideruar si sekretar i mundshëm i shtetit nëse Trumpi fiton një mandat të dytë në krye të Shtëpisë së Bardhë.
